Tíðindi: Hoyringssvar Ι .
Uppskot til broyting í leigulógini til hoyringar

 

Uppskot til broyting í leigulógini

 

Svar frá Føroya Arbeiðsgevarafelag

 

Ummæli av lógaruppskoti um broytingar í leigulógini­­­­­­­­­­­­­­­­­­­­­­­­­­­­­­­­­­­­­­­­­­

 

Føroya Arbeiðsgevarafelag (FAG) vísir til uppskot til løgtingslóg um broyting í løgtingslóg um útleigan av bústøðum, sum er sent felagnum til ummælis.

 

FAG hevur ta viðmerking til § 21 í verandi leigulóg, at avtalufrælsi sum útgangsstøði eigur at ráða millum útleigara og leigara, og at uppsagnargrundirnar, ið verða nevndar í § 21 eru sera avmarkaðar. Tá tað er sagt, er tað sjálvsagt umráðandi, at viðurskiftini hjá útleigara ikki eru ótrygg, men hesi atlit kunnu eitt nú røkjast við regulering av uppsagnartíðarskeiðnum, eins og tað er gjørt í §§ 20-21 í verandi lóg.

 

FAG heldur tað vera eitt framstig, at tað eftir uppskotinum verður gjørligt at skipa útleigu sum lestrarbústaðir, vardar bústaðir, eldra- og brekvinaligar bústaðir, og bústaðir til serligar aldursbólkar. Tó heitir FAG á AMR um at umhugsa, hvørt ásetingarnar í § 29b áttu at verið orðaðar meira generelt, so útleiga eisini kann skipast til aðrar samfelagsbólkar ella endamál enn tey nevndu, um vinnuligi útleigarin ynskir hetta.

Fleiri tíðindi í hesum bólki
Fleiri tíðindi