Tíðindi: Hoyringssvar Ι 26. januar 2018
Kunngerð til hoyring um løggilding av serkønum veitarum mótvegis Arbeiðs- og brunaeftirlitinum

 

Sent Vinnuhúsinum til hoyringar. Hoyringsfreistin er sett til fríggjadagin 26. januar 2018.

 

Kunngerð til hoyring um løggilding av serkønum veitarum mótvegis Arbeiðs- og brunaeftirlitinum

 

Svar frá Føroya Arbeiðsgevarafelag og Føroya Handverksmeistarafelag

 

Feløgini hava tvær viðmerking til Løggildingarøki nr. 7: Løggilding sum serkønur kølimontørur og serkønt virki innan kuldaveiting sambært kunngerð um innrætting og nýtslu av trýstberandi útbúnaði.

 

Tað eigur at standa klárt, at løggildur veitari skal hava bústað í Føroyum, og um veitarin hevur útlendsk loyvisbrøv, skulu tey endurnýggjast til føroysk loyvisbrøv. Í Føroyum hava vit flest royndir frá el-innleggjaraløggildingum. Hesar hava víst okkum, at tað er avgerandi fyri trygdina og góðskuna á løggilda arbeiðinum, at løggildur veitari hevur bústað í Føroyum. Á henda hátt hevur Arbeiðseftirlitið tamarhald av fylgjunum, skuldi okkurt arbeiði verið farið skeivt fram. Hetta hevði eisini fylgt vegleiðingini V-D008-1 frá 2006 hjá Arbeiðseftirlitinum sjálvum um løggilding av kølimontørum. Her sigur §2, stk 1:

 

”Áðrenn eitt virkið fær góðkenning, skal tað hava  vinnubræv, virkisbústað, telefon og verða skrásett við Vtali og góðkendum navni sum føroyskt vinnurekandi virki.”

 

Viðvíkjandi útskrivan av loyvisbrøvum eigur nevndin fyri løggildar kølimontørar at gera eitt tilmæli til Arbeiðseftirlitið at útskriva løggilding eftir. Avgerðin at útskriva løggilding eigur ikki at liggja hjá Arbeiðseftirlitinum eina, men eigur heldur at verða viðgjørd fakligu nevndini frammanundan.

Fleiri tíðindi í hesum bólki
Fleiri tíðindi