Tíðindi: Almenn tíðindi Ι .
Ársins Virki og Ársins Átak valt aftur í ár
Á árliga Vinnudegnum fríggjadagin verða Ársins Virki og Ársins Átak kosin. Endamálið við hesum er at menna vinnuligan hugburð og økja um virðingina fyri vinnuni hjá myndugleikum og borgarum. Endamálið er eisini at geva virkjum, sum á einhvønn hátt hava klárað seg væl, eitt herðaklapp og treysti til at halda fram á somu kós.

 

At velja Ársins Virki er framhaldandi ein týdningarmikil partur av Vinnudegnum. Til at velja Ársins Virki situr ein dómsnevnd, ið er vald av nevndini í Føroya Arbeiðsgevarafelag. Umframt at leggja dent á fíggjarlig úrslit seinastu árini, hyggur dómsnevndin eisini eftir, um fyritøkur hava víst framfýsni og áræði á ymiskum økjum, og um hetta hevur viðført menning og vøkstur av fyritøkuni. Hetta kann t.d. vera viðvíkjandi framleiðslu, útflutningi, útbúgving ella vøru- og tænastumenning.

 

Umframt heiðurin fær Ársins Virki eina serliga standmynd, ið er gjørd til endamálið. Talan er um eina standmynd stoypta í bronsu.

 

Ársins Virki hevur verið kosið á hvørjum ári, meðan Ársins Átak hevur verið kosið, tá mett hevur verið, at fyritøka ella persónur hava gjørt eitt serligt átak, ið kann gagna vinnuligum framburði. Hetta kann vera eitt einkult átak, men kann eisini vera arbeiði, sum er gjørt í longri tíð. Sama dómsnevnd, sum velur Ársins Virki, velur Ársins Átak.

 

Fyri Ársins Átak verður latin ein minni standmynd, sum er eitt V úr stáli við búmerkinum hjá Føroya Arbeiðsgevarafelag graverað í.

 

Hvør verður Ársins Virki og Ársins Átak 2017 verður avdúkað í Norðurlandahúsinum 15. september á Vinnudegnum 2017.

 

Skrá til Vinnudagin 2017 sæst her.

 

Vælkomin til Vinnudagin 2017 – melda teg til nú.

 

 

Í dómsnevndini sita:

 

Marita Rasmussen, stjóri í Føroya Arbeiðsgevarafelag

Herálvur Joensen, aðalstjóri í Uttanríkis- og vinnumálaráðnum

Árni Ellefsen, stjóri í BankNordik

Birgir Nielsen, nevndarformaður í Betri

Sigurð í Jákupsstovu, rektari á Fróðskaparsetri Føroya

Ólavur Asafsson Olsen, stjóri í KJ-Hydraulik, Ársins Virki 2016

 

Skrivari fyri dómsnevndina er Niels Winther, ráðgevi í Vinnuhúsinum.

 

 

 

Ársins Virki higartil:

Ársins Átak higartil:

2000    Havsbrún

2000    ikki valt

2001    Tórshavnar Skipasmiðja

2001    North Atlantic Fish Fair

2002    Vónin 

2002    Teitur Lassen

2003    Vaðhorn

2003    Formula.fo, Total View

2004    Reyni Service

2004    Atlantic Airways, sáttm Aker Stord

2005    Faroe Marine Products

2005    Fariga Seafood

2006    Thor

2006    Vinnuvitan

2007    Eik Banki

2007    ikki valt

2008    ArtiCon

2008    Desicion3

2009    Bakkafrost

2009    Tórshavnar Matfestivalur

2010    Tavan

2010    Vilt í Suðuroy

2011    Vónin

2011    Jákup Zachariassen

2012    Luna

2012    Varðin Pelagic

2013    Vest Pack

2013    Koks

2014    Skansi Offshore

2014    Mest & Pam Offshore Service

2015    Bakkafrost

2015    Defined Energy

2016    KJ-Hydraulik

2016    Sheep View

 

 

 

 

 

Fleiri tíðindi í hesum bólki
Fleiri tíðindi