Tíðindi: Handverk og ídnaður Ι 15. oktober 2018
FM fyri handverkslærlingar aftur á skránni
Á øðrum sinni verður skipa fyri FM fyri handverkslærlingum. Hesaferð vera væl fleiri fak við.

 

Føroya Handverksmeistarafelag er høvuðsfyriskipari av FM fyri handverkslærlingar, sum á fyrsta sinni varð hildið á Torginum í SMS í oktober í fjør, har kappast var í rørsmíð, timbur og hárfríðkan.

 

Hesaferð hava fyriskipararnir valt at víðka munandi um FM kappingina, við at bjóða kapping í øllum handverksfakunum, sum hava skúlagongd í Føroyum. Fyri at hetta kann gerast veruleiki, er neyðugt at hava fleiri hølir at hýsa FM kappingini.

 

Torgið í SMS kemur framvegis at vera høvuðskarmur um kappingina, har kappast verður í hárfríðkan, timbur og el. Síðani verða skúlahølini á Glasi og Tekniska skúla í Klaksvík tikin í nýðslu. Á Glasi vera smiðjuútbúgvingarnar maskin, rør og bil, meðan Tekniski skúli í Klaksvík verður vertur fyri kokkakappingini.

 

FM fyri handverkslærlingar verður skipað sum samstarv millum Føroya Handverksmeistarafelag, Føroya Handverkarafelag, Landsfelag Handverkaranna, Glasir, Tekniska skúla í Klaksvík og Yrkisdepilin.

 

Komandi FM fyri handverkslærlingar verður 28. februar og 1. mars 2019.

 

 

 

 

Fleiri tíðindi í hesum bólki
Fleiri tíðindi