Føroyskar fyritøkur hava í stóran mun somu avbjóðingarnar á hesum øki, og tí kann tað vera sera gagnligt at hittast og umrøða burðardygd í einum føroyskum veruleika. Tað er stórur munur á, hvussu langt fyritøkur eru komnar á burðardygdarøkinum. Tí verður netverkið skipa í tveimum:
- Varandi Vinna - innleiðsla er til fyritøkur, ið eru í holt við at fóta sær á økinum
- Varandi Vinna, ið er ætlað fyritøkum, ið arbeiða miðvíst við burðardygd
Fyritøkur, sum eru nýggjar á økinum ella sum ikki eru klárar at seta sær bindandi mál innan burðardygd gerast partur av Varandi Vinna – innleiðsla.
Luttøka og limagjald
Netverkið er opið fyri øllum fyritøkum, sum annaðhvørt eru beinleiðis limir í Føroya Arbeiðsgevarafelag ella sum eru limir umvegis eitt annað arbeiðsgevarafelag. Serskild skipan kann verða gjørd fyri fyritøkur, sum ikki kunnu gerast partur av Føroya Arbeiðsgevarafelagi.
Fyritøkur kunnu koma upp í netverkini leypandi gjøgnum árið. Hetta er eisini galdandi fyri fyritøkur, ið ynskja at flyta seg frá Varandi vinna - innleiðsla til Varandi vinnu.
Limagjaldið fyri at taka lut í Varandi Vinna – innleiðsla er 7.000 kr. um árið. Luttøka í Varandi Vinna verður 10.000 kr/árið fyri fyritøkur, ið hava upp til 10 mió. kr. í lønargjaldingum, meðan tað er 20.000 kr/árið fyri fyritøkur við meira enn 10 mió. kr. í lønargjaldingum.
Serstakur roknskapur verður gjørdur fyri Varandi Vinna. Limagjaldið fer til at reka netverkið og til verkætlanir innan burðardygd, sum gagna luttakandi fyritøkunum, tað kann eitt nú vera at bøta um karmarnar (t.d. víðari menning av CO2-roknaranum).
Melda til netverkið her
Treytir til luttøku í Varandi Vinna – innleiðsla
Netverkið, Varandi Vinna – innleiðsla, er ætlað fyritøkum, ið eru í holt við at fóta sær á økinum, men sum enn ikki eru klárar at seta sær bindandi mál innan burðardygd. Innleiðslunetverkið hevur eingi krøv, her er endamálið læring og kunning, soleiðis at fyritøkurnar í framtíðini kunnu flyta seg yvir í Varandi Vinnu.
Treytir til luttøku í Varandi Vinna
Til luttøku í Varandi Vinna eru nakrar treytir. Fyritøkurnar skulu seta sær krøv um at minka útlát í vavi 1 og 2 í tráð við París-sáttmálan og at arbeiða við útláti í vav 3 og seta sær mál.
Fyritøkan skal gera árliga almenna frágreiðing um burðardygd (ESG-lyklatøl). Eisini er treyt at ovasta leiðsla luttekur á netverkfundum. Soleiðis tryggja vit at burðardygd verður rótfest og raðfest í fyritøkuni.
Netverksfundir
Tað eru fýra netverksfundir árliga. Virksemið í netverkunum tekur altíð støðið í støði í aktuellum avbjóðingum hjá luttakandi fyritøkum. Á netverksfundunum eru upplegg og/ella vitjanir hjá fyritøkum uttanífrá umframt innanhýsis framløgur/sparring har fyritøkurnar greiða frá gongdini og aktuellum avbjóðingum/ivamálum.
Netverksfundirnir eru 2-4 tímar.
Til netverksfundir hjá Varandi Vinna - innleiðsla kunnu 2-3 fólk fyri hvørja fyritøku luttaka. Fyritøkur avgera sjálvar hvørji starvsfólk luttaka (t.d. ESG-starvsfólk, bókhald, HR, osfr)
Til netverksfundir hjá Varandi Vinnu kunnu 2-3 fólk fyri hvørja fyritøku luttaka, krav er at eitt umboð er ovasta leiðsla (stjóri, fíggjarleiðari, nevndarforfólk).
Varandi Vinna hevur ein árligan fund í juni á hvørjum ári. Á fundinum verður ársfrásøgn við úrslitum frá árinum løgd fram. Kósin hjá netverkinum fyri komandi árið verður sett út í kortið og eitt stýri valt. Virkisgrundarlagið verður eftirmettar og limagjald ásett.
Stýrið
Stýrið stingur út í kortið tey evni, ið Varandi Vinna og Varandi Vinna – innleiðsla arbeiða við komandi árið. Hesi taka støði í áleikandi avbjóðingum hjá luttakandi fyritøkum og teimum krøvum, ið eru á økinum. Stýrið lýsir hvør týdningarmiklasti boðskapurin hjá netverkinum er og hvussu til ber at ávirka politisku skipanina fyri at fáa betri umstøður til burðardygd.
Í stýrinum sita umboð um Varandi Vinnu, Varandi Vinnu – innleiðsla og fyri Vinnuhúsið. Tað eru leiðslupersónar, ið manna stýrið (stjóri, fíggjarleiðari, nevndarforfólk). Málið er, at stýrið umboðar nógvar ymiskar vinnugreinar. Stýrið er valt fyri eitt ár.
Í stýrinum fyri 2024/2025 sita sjey umboð:
- Poula Michelsen (P/F Poul Michelsen), ið er forkvinna
- Mourtiz Mohr (MEST)
- Regin Jacobsen (Bakkafrost)
- Anna Kalsø (J&K Petersen Contractors)
- Bjartur V. Hjaltalin (Búsetur)
- Turið F. Arge (Føroya Banki)
- Niels Winther (Vinnuhúsið)