Dagført av Vinnuhúsinum tann 4. apríl 2020

Barnaansing

Óvissa hevur verið um, hvør hevur rætt til barnaansing – bæði tá talan er um børn undir skúlaaldur og í yngru skúlaflokkunum.

Landsstýrismaðurin í uttanríkis- og mentamálum, Jenis av Rana, hevur gjørt púra greitt, at øll tey, sum mugu vera til arbeiðis í hesum døgum, hava rætt til at fáa síni børn ansað á dagstovni, skúla og frítíðarskúla, um tey ikki hava aðrar møguleikar. Hetta er galdandi fyri bæði privat og alment sett.

Starvsfólk í vinnuni, sum mugu vera til arbeiðis, og sum vanliga fáa síni børn ansað, hava tískil framvegis rætt til at fáa síni børn ansað til og við 3. flokk, um tørvur er á tí, og eingin annar møguleiki er fyri ansing.