Dagført av Vinnuhúsinum tann 23. mars 2020

Um starvsfólk fær staðfest COVID-19

Um starvsfólk fáa staðfest COVID-19, eru tey sjúk og hava tá rætt til løn undir sjúku sambært sáttmála ella sjúkradagpening sambært dagpeningalógini.

Í hjálparpakkanum, sum landsstýrið legði fram sunnudagin 15. mars, er eitt av átøkunum, at ein afturrindanarskipan verður gjørd fyri privatar arbeiðsgevarar, sum gjalda løn undir sjúku. Arbeiðgevarar fáa afturgoldið lønarútreiðsluna, tó í mesta lagi við eini upphædd, sum svarar til sjúkradagpening.

Um starvsfólk fara í sóttarhald?

Um fólk hava sjúkueyðkenni ella hava ferðast til øki við smittuvanda, verður mælt teimum til at fara í sóttarhald.

Mælt verður til, at fyritøkur fylgja almennum tilmælum. Sí leinkju her: corona.fo/tilmaeli

Hvat kann arbeiðsgevari gera fyri at fyribyrgja smittuspjaðing?

Arbeiðsgevarin hevur ábyrgd av at skipa arbeiðið og at seta fyribyrgjandi tiltøk í verk. Les meira um hetta á: "Soleiðis tryggi eg arbeiðsplássið best móti coronasmittu"