Endamál felagsins er at savna allar ráðgevandi fyritøkur við heimstaði í Føroyum, serliga í byggivinnuni at útinna felags áhugamál. Í virki sínum skal felagið skipa fyri felags menning í vinnugreinini, bæði í virkjunum, og av teimum karmum virkað verður undir. Millum limirnar skal felagið stuðla undir samskifti og førleikamenning, og úteftir virka sum felags málgagn mótvegis myndugleikum, stovnum og aðrari vinnu.

Eitt av týdningnarmestu málunum, sum felagið ætlar at taka upp beinanvegin er, at fáa samband við almenna byggiharran um, hvørji viðurskifti skulu vera galdandi, tá byggiverkætlanir verða skipaðar. Ráðgevarafelagið heldur, at tað er av alstórum týdningi, at føroyskar fyritøkur fáa javnbjóðis høvi at bjóða seg fram ájavnt við útlendskar fyritøkur. Dømi eru um útbjóðingar har føroyskar ráðgevandi fyritøkur ikki hava fingið javnbjóðis møguleikar.

Seinast dagført 13. apríl 2022

Tak frymil til ráðgevaraavtalu niður her
Ráðgevarafelagið hevur í samráð við Byggiharrasamtakið latið gjørt ein frymil til eina ráðgevaraavtalu. Endamálið við hesi standardavtaluni er at tryggja limum og byggiharrum at allir neyðugir tættir eru við í avtalugrundarlagnum, tá avtalur um tænastur verða gjørdar.

Tak frymil til undirráðgevaraavtalu niður her
Ráðgevarafelagið hevur latið gjørt eina undirveitara ráðgevaraavtalu, sum ráðgevar og undirráðgevarar teirra kunnu gera sínamillum. Endamálið við hesi standardavtalu er at tryggja limunum, at allir neyðugirtættir eru við til í avtalugrundarlagnum, tá avtalur um tænastur verða gjørdar.

Til ber at síggja veitaraskránna her.

Dagførd apríl 2022

Fyri at gerast limur í Ráðgevarafelagnum skal tilmeldingarskjal útfyllast og sendast aftur til felagið.

Nevndin tekur støðu til umsóknina á nevndarfundi.

Tilmeldingarskjalið kann takast niður her.