Tíðindi: Kalendari - farin tiltøk Ι 17. juni 2022
Tiltak um burðardygd
Byrjar: fríggjadagur 17. juni 2022 kl. 14:00

Endar: fríggjadagur 17. juni 2022 kl. 15:30

Hvar/stað: Vinnuhúsið, Óðinshædd 7, Tórshavn

Leinkja:

Fríggjadagin 17. juni kl. 14:00 verður tiltak í Vinnuhúsinum, har limafyritøkur fáa høvi at kunna seg um handfaring av burturkasti hjá fyritøkuni. Talan er um tað næsta út av fýra tiltøkum í ár, sum skulu geva fyritøkum íblástur og amboð til at arbeiða skipað við burðardygd í fyritøkuni. 

 

Hetta tiltakið er serliga viðkomandi fyri tey fólk í fyritøkuni, sum hava ábyrgd av rakstri, innkeypi og/ella burðardygd. 

 

Á tiltakinum verður hugt eftir hvussu vit loysa avbjóðingarnar viðvíkjandi ovurnýtslu og manglandi stýring innan burturkasti. Við støði í búskaparligum ringrásum verður víst á møguleikar fyri at betra stýringina av burturkasti hjá føroyskum fyritøkum.

 

Skeiðshaldarar eru Ana Holden-Peters og Beinta Højgaard Thomsen, KOB.

 

Tiltakið er ókeypis fyri limir í feløgunum í Vinnuhúsinum, men neyðugt er at boða frá luttøku í seinasta lagi mikudagin 15. juni  kl. 12:00 við at senda ein teldupost til industry@industry.fo ella ringja 309900.

 

 

Niðanfyri sæst yvirlit yvir tey fýra tiltøkini um burðardygd, sum verða í hesum árinum: 

 

_____________________________________________

 

Fríggjadagur 1. apríl kl. 14:30-16:00– Strategi fyri burðardygd í fyritøkuni

Hetta tiltakið er serliga viðkomandi fyri tey fólk, sum hava ábyrgd av strategi og váðastýring í fyritøkuni.

Á tiltakinum verður greitt frá, hvussu tað verður arbeitt við burðardygd í einum vinnuligum høpi. Luttakararnir á skeiðnum læra, hvussu ein burðardygg ætlan verður ment, og hugt verður eftir ítøkiligum dømum sum íblástur til arbeiðið í fyritøkuni, sum luttakararnir starvast í.

 

Skeiðshaldari er Ana Holden-Peters.

 

_____________________________________________

 

Fríggjadagur 17. juni kl. 14:00-15:30–  Handfaring av burturkasti

Hetta tiltakið er serliga viðkomandi fyri tey fólk í fyritøkuni, sum hava ábyrgd av rakstri, innkeypi og / ella burðardygd.

Á tiltakinum verður hugt eftir hvussu vit loysa avbjóðingarnar viðvíkjandi ovurnýtslu og manglandi stýring innan burturkasti. Við støði í búskaparligum ringrásum verður víst á møguleikar fyri at betra stýringina av burturkasti hjá føroyskum fyritøkum.

 

Skeiðshaldarar eru Ana Holden-Peters og Beinta Højgaard Thomsen, KOB. 

 

_______________________________________________

 

Fríggjadagur 16. september – Veðurlagsbroytingar 14:00-15:30

Hetta tiltakið er serliga viðkomandi fyri tey fólk í fyritøkuni, sum hava ábyrgd av strategi og váðastýring í fyritøkuni.

Á tiltakinum verður farið um teir mest umráðandi váðarnar fyri fyritøkur í sambandi við útlát og veðurlagsbroytingar. Hugt verður eftir, hvørji umráðandi tiltøk fyritøkur kunnu seta í verk í dag.

 

Skeiðshaldarar eru Ana Holden-Peters og umboð fyri fyritøku, sum arbeiðir skipað við at minka um veðurlagsbroytingarnar hjá fyritøkuni.

 

_________________________________________________

 

Hósdagur 15. desember – Frágreiðingar um burðardygd 14:00-15:30

Hetta tiltakið er serliga viðkomandi fyri tey fólk í fyritøkuni, sum arbeiða við ársfrágreiðingum og øðrum frágreiðingum um gongdina í fyritøkuni, herundir burðardygd.

Á tiltakinum verður hugt eftir teimum týdningarmestu rákunum innan frágreiðingar um burðardygd í fyritøkum. Tað verður kunnað um leiðreglurnar, um hvussu best practice er innan frágreiðingar um vinnuliga burðardygd.

 

Skeiðshaldarar eru Ana Holden-Peters og Óli Joensen, Januar.