The Impact of the MLC 2006, Future Maritime Labour Market and Equality at Sea

 

Dr. Cleopatra Doumbia-Henry er forkvinna fyri World Maritime University (WMU) í Malmø. WMU er eitt maritimt universitet, sum varð sett á stovn í 1983 av IMO, sum er stovnur undir ST. Endamálið hjá WMU er at fremja málini hjá IMO og IMO-limalondunum gjøgnum útbúgving, gransking og førleikamenning.

 

Dr. Doumbia-Henry, sum upprunaliga er ættað av Dominika, er altjóða viðurkendur løgfrøðingur og ein av teimum fremstu innan maritima lóg og viðurskifti hjá sjófólki. Hon varð fyrsti kvinnuligi stjórin í ST-skipanini, tá hon gjørdist stjóri fyri International Labour Standards Department, og hon stóð á odda fyri at fáa gjørt altjóða sáttmálan Maritime Labour Convention í 2006, sum nú fevnir um fleiri enn 80 % av heimsflotanum.  

 

Á Vinnudegnum 2019 fer Dr. Cleopatra Doumbia-Henry at halda ein fyrilestur undir heitinum “The Impact of the MLC 2006, Future Maritime Labour Market and Equality at Sea”