Ferðavinnustevnan

Fríggjadagin 6. november verður Ferðavinnustevnan 2026 hildin á Panorama á Hotel Hafnia. Ráðstevnan byrjar kl. 15.30 og heldur fram til kl. 18.00, tá farið verður undir veitsluhaldið.

Á skránni eru spennandi framløgur, íblástur og góð samvera. Um kvøldið verður ferðavinnuárið 2026 hátíðarhildið, og ársins heiðursbrøv verða handað.

Tað er Ferðavinnufelagið, sum skipar fyri stevnuni. Endamálið er at savna fólk úr ferðavinnuni til ein hugnaligan og kveikjandi dag, har vit seta føroysku ferðavinnuna í miðdepilin, hátíðarhalda tað, sum er rokkið, og njóta løtuna saman.

Tilmelding

Freistin er mikudagin 4. november

Melda til her

Skráin

Framløgur um mentanarmunir og samskifti

Fía Lindenskov og Jóna Thomsen

Ymiskar mentanir á sama arbeiðsplássi

Fía er integratiónssamskipari og Jóna verkætlanarsamskipari í Tórshavnar kommunu. Tær hava báðar innlit í, hvussu mentanarmunir kunnu ávirka samskifti og samstarv á arbeiðsplássinum.

Hvussu fáa vit fólk úr ymiskum mentanum at arbeiða væl saman? Og hvussu kunnu vit sleppa undan misskiljingum í gerandisdegnum?

Fía og Jóna fara at greiða frá, hvussu mentanarmunir kunnu gera seg galdandi á arbeiðsplássinum, og hvat vit kunnu gera fyri at skilja hvønn annan betur.

Annika S. Biskopstø

Tá ið fólk frá ymiskum mentanum møtast

Annika er undirvísari í mentanarfatan og hevur innlit í, hvussu mentanarmunir ávirka mátan, vit samskifta og skilja hvønn annan.

Hvussu skilja vit fólk, sum hava eina aðra mentanarliga bakgrund enn vit sjálvi? Og hvussu kunnu vit gerast betri til at samskifta við gestir úr øðrum londum?

Annika fer at greiða frá, hvussu mentanarmunir kunnu ávirka samskiftið, og hvussu størri mentanarfatan kann hjálpa okkum at skilja hvønn annan betur og geva gestum í Føroyum eina betri uppliving.

Sylvia Garduno

Føroysk mentan við øðrum eygum

Sylvia flutti til Føroya í 2009 og hevur síðani fingið gott innlit í føroyska samfelagið og mentanina. Hon hevur eisini sett fleiri verkætlanir í verk, sum skulu hjálpa fólki, ið flyta til Føroya, at læra føroyska málið og skilja mentanina betur.

Hvat er tað við okkara mentan, sum vit føroyingar kanska ikki sjálvir leggja merki til? Og hvussu uppliva fólk, sum koma uttanífrá, mátan, vit samskifta og eru saman uppá?

Sylvia fer at greiða frá sínum royndum og geva okkum eitt øðrvísi sjónarhorn á føroysku mentanina.

Luttøkugjald

Vel, um tú vilt vera við til ráðstevnuna ella bæði ráðstevnu og veitslu

Limir í Ferðavinnufelagnum
• 595 kr. fyri luttøku um dagin
• 995 kr. fyri luttøku bæði um dagin og kvøldið

Luttakarar, sum ikki eru limir í Ferðavinnufelagnum:
• 995 kr. fyri luttøku um dagin
• 1.995 kr. fyri luttøku bæði um dagin og kvøldið

Ferðavinnustevnan er fyri øll, sum starvast í ella hava tilknýti til ferðavinnuna.

Tilmeldingarfreistin er mikudagin 4. november 2026. Tilmeldingin verður endaliga váttað, tá ið luttøkugjaldið er goldið.

Tilmelding

Freistin er mikudagin 4. november

Melda til her