Ársins Virki og Vinnuátakið

Ársins Virki og Vinnuátakið eru afturvendandi á Vinnudegnum, og stórur spenningur er altíð um, hvør vinnur heiðurin hesaferð. Endamálið er at menna vinnuligan hugburð, skapa stoltleika í vinnuni og at økja virðingina fyri vinnuni hjá myndugleikunum og vanliga borgaranum.

Ársins Virki verður latið fyritøku, sum hevur verið støðug ella vaksandi. Tað verður lagdur dentur á fíggjarlig úrslit seinastu árini, samstundis sum fyritøkan skal hava víst framfýsni og áræði og elvt til menning og vøkstur eftir stuttari tíð. 

Vinnuátakið verður latið fyritøku ella persóni, sum hevur gjørt serstakt átak, ið kann gagna vinnuligum framburði. Talan kann vera um einstakt átak, men eisini um arbeiði, sum er gjørt yvir longri tíðarskeið. Serligur dentur verður lagdur á búskaparliga, umhvørvisliga og sosiala burðardygd.

Í 2024 vórðu GroAqua og Spírar & Sporar kosin ávikavist Ársins Virki og Vinnuátakið.

Í dómsnevndini at velja Ársins Virki og Vinnuátakið sita:

• Turið Arge, Føroya Banki
• Jean Djurhuus, Betri Banki
• Martin Tvede Zachariassen, Fróðskaparsetur Føroya
• Herálvur Joensen, Umhvørvis- og vinnumálaráðið
• Niels Winther, Vinnuhúsið
• John Petersen, GroAqua (Ársins Virki 2024)

Vinnarin av Ársins Virki 2024

Vinnarin av Vinnuátakinum 2024