Á Vinnudegnum verður eisini høvi at hoyra eina spennandi røð við stuttum fyrilestrum undir heitinum “Hvussu lofta vit hugskotum”.

Evnið setur sjóneykuna á tað, sum mangan er avgerandi fyri vøkstur og menning – nevniliga at duga at síggja eitt hugskot, lofta tí og menna tað víðari til veruleika.

Í hesi røðini fara vit at hoyra frá trimum áhugaverdum røðarum, sum hava royndir við at seta nýggj hugskot út í lívið.

Tey fara hvør sær at greiða frá, hvussu tey hava arbeitt við innovatión, hvørjar avbjóðingar tey hava møtt á leiðini, og hvat hevur verið lykilin til at fáa hugskotini at liva víðari og gerast veruleiki.

Hesi innsløgini geva eina beinleiðis og veruliga mynd av, hvussu føroyskar fyritøkur og einstaklingar arbeiða við nýskapan – frá fyrstu tonkunum til ítøkilig úrslit.

Tað verður bæði læruríkt og kveikjandi, og luttakararnir fáa møguleika at spegla sær í søgunum og taka íblásturin við sær aftur til síni egnu hugskot.