Seinnapartin fríggjadagin 18. august var lítil samkoma í Vinnuhúsinum fyri Mikkjali Joensen, ið hevði 25 ára starvsdag. Mikkjal starvast sum fíggjarleiðari í Vinnuhúsinum.

Mikkjal byrjaði í starvi í Vinnuhúsinum 1. august 1998, og nógv er broytt í Vinnuhúsinum tey seinastu 25 árini við m.a. øktum virksemi og starvsfólkatali. Mikkjal hevur verið trúfastur partur av hesi broyting, har Vinnuhúsið eisini hevur flutt í nýggjan bygning á Óðinshædd 7. Um Mikkjal kann sigast, at hann er trúfastur, arbeiðssamur, væl skipaður og altíð klárur at rætta eina hjálpandi hond, tá á stendur.

Vit ynskja okkara starvsfelaga Mikkjali Joensen hjartaliga til lukku við 25 ára starvsdegnum.