Stutt um felagið
Høvuðsendamál felagsins er at savna allar ferðavinnufyritøkur at útinna felags áhugamál og at skapa karmarnar fyri, at ferðavinnan kann vera ein týðandi táttur í føroyska búskapinum. Ferðavinnufelagið fevnir breitt um alla ferðavinnuna, røkir áhugamál limanna og er felags málgagn mótvegis myndugleikunum. Felagið skipar regluliga fyri skeiðum og tiltøkum, sum stimbra førleikar og samstarv í vinnuni.

Mál hjá felagnum
Tryggja at lógir og regluverk í størst møguligan mun eru í tráð við áhugamálini hjá ferðavinnuni

Umboða áhugamálini hjá ferðavinnuni í øllum vinnugreinamálum mótvegis myndugleikum og stovnum av øllum slag

Skipa fyri tiltøkum og skeiðum við tí endamáli at hækka yrkiskunnleikan og førleikarnar í vinnuni

Fáa í lag tiltøk til limirnar sum stimbra samstarv í vinnuni og eggja til vitanarútbýting og íblástur.