Fróði Magnussen, Kristoffur Laksá og Jens Meinhard Rasmussen vóru afturvaldir sum nevndarlimir
Á aðalfundi í Føroya Arbeiðsgevarafelag mánadagin 8. juni vóru Fróði Magnussen, Kristoffur Laksá og Jens Meinhard Rasmussen afturvaldir í nevndina.
Nevndin skipaði seg við Boga Jacobsen; Varðin Pelagic, sum formanni og Høgna Hansen; Poul Hansen, sum næstformanni. Í nevndini sita eisini: Jón Sigurdsson; Articon, Odd Eliasen; Havsbrún, Árni Ellefsen; Bank Nordik, Jens Meinhard Rasmussen; Skansi Offshore, Jóhanna á Bergið; Atlantic Airways og Fróði Magnussen; Formula.
Á aðalfundinum var ársfrágreiðingin fyri 2019 framløgd.
