Týskvøldið 11. mars kl. 18 verður aðalfundur í Havnar Handverksmeistarafelag
Aðalfundurin í Havnar Handverksmeistarafelag byrjar við gestauppleggi frá Regini Dalsgaard, stjóra við Tjarnir. Hann fer at tosa um møguleikar fyri vinnuna, nú stórhøllin við Tjarnir er latin upp, og hvussu nýggju karmarnir kunnu skapa nýggjar, framtíðar møguleikar.
Eftir uppleggið verður sjálvur aðalfundurin hildin sambært lóg felagsins. Á skránni eru millum annað ársfrágreiðingin og framløga av roknskapi, umframt val av nevndarlimum og eykalimum. Harumframt hava limir møguleika at leggja fram mál til viðgerðar.
Aðalfundurin, sum verður hildin í Vinnuhúsinum, er týdningarmikið tiltak fyri limirnar í Havnar Handsverksmeistarafelag, har teir kunnu fáa innlit í virksemið, vera við til at mynda framtíðina og kjakast um viðkomandi mál.
