Mikukvøldið 11. mars klokkan 18 verður aðalfundur í Havnar Handverksmeistarafelag

Limir felagsins eru bodnir at møta til fundin, har farið verður ígjøgnum virksemið hjá felagnum seinasta árið.

Á skránni fyri aðalfundin eru m.a. frágreiðing frá farna árinum, framløga og góðkenning av roknskapi og fíggjarætlan, umframt val av nevndarlimum, tiltakslimum og grannskoðara. Eisini verður møguleiki at viðgera innkomin uppskot og onnur viðurskifti.

Havnar Handverksmeistarafelag er eitt av teimum lokalu feløgunum undir Føroya Handverksmeistarafelag, sum arbeiðir fyri at fremja handverksvinnuna og góð arbeiðsviðurskifti hjá handverksmeistarum í Føroyum.