Árliga Aliráðstevnan 2024 verður á Hotel Føroyum fríggjadagin 1. mars

Aliráðstevnan er dagurin har fólk í og kring alivinnuna við áhuga fyri havbúnaðinum hittast at fáa nýggja vitan og íblástur, eins og møguleikar eisini eru fyri at netverka.

So setið kross í kalendaran nú. Latið verður upp fyri tilmeldingum mánadagin 5. februar á heimasíðuni hjá vinnuhúsinum, www.industry.fo. Seinasta freist at melda seg til er týsdagin 27. februar. Tað kann tó henda, at latið verður aftur fyri tilmeldingum áðrenn hetta, um Aliráðstevnan er fullsett. Luttakaratalið á Aliráðstevnuni liggur um 400 fólk.

Tað er Havbúnaðarfelagið, sum fyriskipar ráðstevnuna.