Set kross í kalendaran 28. februar, tá ið árliga Aliráðstevnan verður hildin á Hotel Føroyum

Aliráðstevnan er dagurin, har ið fólk í alivinnuni og onnur áhugað hittast til fyrilestrar og orðaskifti um havbúnað. Endamálið við degnum er at geva luttakarum íblástur og nýggja vitan, eins og luttakararnir fáa møguleika at netverka.

Tilmeldingin letur upp týsdagin 4. februar á heimasíðuni hjá Vinnuhúsinum, www.industry.fo.

Freistin at melda til er týsdagin 25. februar, men tað kann henda, at tilmeldingin letur aftur áðrenn tíð, um ráðstevnan verður fullteknað. Undanfarin ár hevur luttakaratalið verið um 400 fólk.

Eins og í fjør verða framløgurnar ikki tulkaðar til enskt.

Tað er Havbúnaðarfelagið, sum skipar fyri ráðstevnuni.