Rikke Juel Lyng frá Teknologisk Institut heldur ókeypis fyrilestur um asbest og trygt arbeiði í byggivinnuni

Hósdagin 5. februar kl. 15 verður skipað fyri almennum fyrilestri á Hotel Hafnia um útboðsfyrireiking og arbeiði við asbest. Fyrilesturin verður hildin av Rikke Juel Lyng, seniorkonsulenti á Teknologisk Institut.

Rikke fer at varpa ljós á týdningarmikil viðurskifti í sambandi við fyrireiking av útboðum og trygga handfaring av asbesti í byggivinnuni. Tað eru Føroya Handverksmeistarafelag, Føroya Handverkarafelag, Landsfelag Handverkaranna og Spor-Vit, sum skipa fyri fyrilestrinum.

Fyrilesturin vendir sær til byggivinnuna, ráðgevaravinnuna og byggiharrar og er ætlaður fakfólkum og øðrum áhugaðum, sum arbeiða við - ella koma í samband við - asbest í sambandi við byggi- og umvælingarverkætlanir.

Fyrilesturin er ókeypis, men neyðugt er at melda til á industry@industry.fo

Mynd: Teknologisk Institut