Almennur íleggjarafundur í Klaksvík

23. september. 2013 | Tíðindi | Almenn tíðindi

Mánadagin 30. september klokkan 19:00 í Atlantis

Mánadagin 30. september skipar Virðisbrævamarknaður Føroya fyri almennum íleggjarafundi í Atlantis í Klaksvík.

Stjórarnir í fýra av teimum føroysku feløgunum, ið eru skrásett á Virðisbrævamarknaði Føroya, koma at greiða frá teirra roknskapi fyri fyrra hálvár 2013. Tað er BankNordik, Bakkafrost, Atlantic Petroleum og Atlantic Airways.

Hetta er eitt upplagt høvi hjá øllum, sum eiga partabrøv ella umhugsa at keypa partabrøv í hesum feløgunum, at hoyra meira um gongdina hjá feløgunum og ikki minst høvi at hitta stjórarnar og seta teimum nærri spurningar um framtíðarútlit og –ætlanir hjá fyritøkunum.

Skráin er:

Kl. 19:00 VMF bjóðar vælkomin

Kl. 19:10 BankNordik leggur fram. Janus Petersen, stjóri

Kl. 19:40 Bakkafrost leggur fram. Regin Jacobsen, stjóri

Kl. 20:10 Kaffisteðgur

Kl. 20:30 Atlantic Petroleum leggur fram. Ben Arabo, stjóri

Kl. 21:00 Atlantic Airways leggur fram. Magni Arge, Stjóri

Fundurin er almennur og ókeypis og øll eru hjartaliga vælkomin.

Annað á breddanum

  1. Keyp í nærumhvørvinum – fyri Føroyar

    Handilsvinnufelagið hevur sett í verk nýtt lýsingaátak, sum við sterkum og kenslubornum boðskapi minnir okkum øll á týdningin av at stuðla lokalum handlum.

    13. Mai. 2025 | Handilsvinna
    Keyp I Nærumhvorvinum 7

  2. Føroyar væl umboðaðar á Seafood Expo Global

    Við 13 fyritøkum á eyðsýndum og væl vitjaðum landabási var føroyska vinnan aftur í ár væl umboðað á heimsins størstu fiskavørustevnu.

    13. Mai. 2025 | Almenn tíðindi
    SEG 2

  3. FøroysKT á breddanum á Tonik

    KT-felagið varpaði ljós á føroyskar KT-loysnir á ársins Tonik og arbeiðir nú við strategiskum átøkum, sum skulu styrkja føroysku KT-vinnuna.

    13. Mai. 2025 | KT- og samskifti
    KT Felagið Tonik 2