Almennur pallborðsfundur um fólkaflyting og fólkavøkstur verður týskvøldið 9. apríl kl. 19

08. apríl. 2013 | Tíðindi | Almenn tíðindi

Føroyar hava eina stóra avbjóðing við minkandi fólkatali og vantandi tilflyting. Í heyst setti landsstýrið ein arbeiðsbólk at gera eina heildarætlan fyri, hvussu vit steðga fólkafráflyting og skapa fólkavøkstur. Í sambandi við at heildarætlanin er liðug og handað landsstýrinum, verður skipað fyri almennum pallborðsfundi um fólkavøkstur í Norðurlandahúsinum týskvøldið 9. apríl kl. 19-21.

Á tiltakinum verður greitt frá heildarætlanini og Annleyg Lamhauge fer at greiða frá kanningini, sum Fólkaheilsuráðið hevur gjørt av trivnaðinum millum føroyingar.

Við pallborðinum sita formenninir í politisku flokkunum, og áhoyrararnir fáa høvið at seta spurningar.

Evnini pallborðið fer at kjakast um eru m.a.:

-       Hvussu fáa vit fleiri at taka útbúgving í Føroyum?

-       Hvat kann gerast fyri at betra um lívskorini í Føroyum?

-       Hvussu styrkja vit tilknýtið til okkara útisetar?

-       Og hvat ætlar politiska skipanin at gera fyri at venda gongdini?

Orðstýrari verður Jón Brian Hvidtfeldt.

Annað á breddanum

  1. Finnland og Danmark lækka partafelagsskattin

    Finnland lækkar partafelagsskattin til 18% við ársskiftið, og Danmark ætlar at lækka hann til 19% í stigum

    17. november. 2026 | Almenn tíðindi
    Finland Denmark Flags
  2. Enn eitt avgjald á føroyskar arbeiðsgevarar – hesaferð fyri lønarflytingar

    Ætlanin er, at føroyskir arbeiðsgevarar framyvir skulu gjalda eitt avgjald fyri hvørja lønarflyting. Føroya Arbeiðsgevarafelag mælir frá at samtykkja avgjaldið

    17. november. 2026 | Arbeiðsmarknaður
    Vinnuhusid 4
  3. Frídagar um jólini – hvat er galdandi?

    Fá yvirlit yvir frídagar um jólini og nýggjárið, og hvussu arbeiði hesar dagar verður lønt

    17. november. 2026 | Arbeiðsmarknaður
    Frídagar Um Jólini 26