Sitandi nevnd heldur áfram
Arbeiðsgevarafelagið hjá Fíggjarstovnum í Føroyum, stytt AFF, hevði mánadagin 13. oktober ársaðalfund.
AFF avgjørdi herfyri at gerast limur í Føroya Arbeiðsgevarafelag. Orsakað av hesum legði nevndin fyri aðalfundin nakrar broytingar í lógum felagsins, sum eru neyðugar til tess at samsvar skal vera millum lógirnar hjá AFF og lógirnar hjá FAG. Hesar broytingar vóru samtyktar av aðalfundinum.
Fyri vali á aðalfundinum stóð Janus Petersen, og var hann afturvaldur. Sitandi nevnd heldur sostatt áfram. Í henni sita Marner Jacobsen, Gunnar í Liða, Janus Petersen og Niels Christian Nolsøe.
Nevndin skipar seg á fyrstkomandi nevndarfundi.
