Ársins Átak 2008, fyritøkan Decision3, er mett at verða ein av teimum 50 mest áhugaverdu fyritøkunum at gera íløgu í innan sonevnda “Clean-tech”-økið. Henda meting er gjørd av fremstu íløgufeløgum í Norðurlondum.
Tað staðfestir frágreiðingin ”Nordic Cleantech Fifty”, sum júst er útkomin. Onnur feløg í sama bólki eru nýskapanar fyritøkan Danfoss AquaZ og HyWind, sum StatoilHydro eigur. Tískil er hetta enn ein álitisváttan til føroysku fyritøkuna – hesaferð frá íløgufeløgum sum BankInvest, Northzone Ventures og SustainableTechnology Fund.
Úrslit av virknum netverki
Cleantech er vorðið felagsheiti fyri virksemið, sum hevur til endamáls at minka um orkunýtslu og fyribyrgja veðurlagsbroytingum. Í samband við ráðstevnuna TransAtlantic Climate Conference seinasta ár, fjør fekk Bitland áheitan um at vísa á eina føroyska fyritøka, sum kundi verið millum 50 tær mest áhugaverdu innan Cleantech í Norðurlondum. Aftaná drúgvar eftirmetingar er norðurlendska metingarnevndin komin fram til, at Decision3 er millum tær mest áhugaverdu fyritøkurnar at gera íløgu í.
Decision3 húsast í Kleking vinnuframaskipanini í skrivstovufelagskapinum hjá Bitland. (Kelda. www.bitland.fo).
Úrslit av virknum netverki
Cleantech er vorðið felagsheiti fyri virksemið, sum hevur til endamáls at minka um orkunýtslu og fyribyrgja veðurlagsbroytingum. Í samband við ráðstevnuna TransAtlantic Climate Conference seinasta ár, fjør fekk Bitland áheitan um at vísa á eina føroyska fyritøka, sum kundi verið millum 50 tær mest áhugaverdu innan Cleantech í Norðurlondum. Aftaná drúgvar eftirmetingar er norðurlendska metingarnevndin komin fram til, at Decision3 er millum tær mest áhugaverdu fyritøkurnar at gera íløgu í.
Decision3 húsast í Kleking vinnuframaskipanini í skrivstovufelagskapinum hjá Bitland. (Kelda. www.bitland.fo).
