Føroyska handilsvinnan fær stundum skotið út í skógvarnar, at vørurnar í Føroyum eru ov dýrar. Formaðurin í Handilsvinnufelagnum, Tummas Hanus Dam, vísir hinvegin á, at tað er ikki so løgið, tá ið høg avgjøld verða løgd á innflutningin av ávísum vørum. Handilsvinnufelagið fegnast tískil um, at avgjaldið, sum lá á 20%, varð avtikið 1. juli 2015.

Handilsvinnufelagið vónar eisini, at hetta ikki bert er galdandi fyri tær vørur, sum verða innfluttar eftir 1. juli, men at lógarbroytingin í líka stóran mun fevnir um tær vørur, sum longu eru í handlunum. Tað vil siga, at mannagongdin verður tann sama, sum tá ið avgjaldið á millum annað sjónvørp og komfýrar varð avtikið. Tá vóru vørur, sum longu vóru í handlunum, eisini fevndar av broytingini.