Føroysku peningastovnarnir hava í felag tikið avgerð um at avtaka banka- og sparikassabøkurnar. Henda broyting fær gildi tann 1. mars í ár.
Seinastu árini hava allir kundar fingið nýggjar møguleikar í staðin fyri banka- ella sparikassabókina, sum vit kenna hana. Av tí sama hevur talið av kundum við banka- og ella sparikassabók verið alsamt minkandi, og hava peningastovnarnir tí avgjørt, at fara heilt burtur frá hesi tænastu, ið ikki longur er tíðarhóskandi.
Í staðin fyri banka- og sparikassabøkurnar fáa kundar tilboð um kontu við ella uttan kontuavrit. Kundar, sum ikki longu hava eitt kort til brúkskontu sína, fáa somuleiðis tilboð um gjaldskort, ið er ein meira tíðarhóskandi tænasta.
Peningastovnarnir hava fleiri ymisk gjaldskort at velja ímillum, og tí ber til at fáa kort, sum hóska til tørvin hjá tí einstaka. Tað eru í dag betri møguleikar at fylgja við gongdini á kontuni, enn við eini banka- ella sparikassabók, eitt nú við netbankanum.
Allir kundar, ið hava eina banka- og sparikassabók fáa í hesum døgum bræv frá peningastovni sínum um hesa broyting.
Felagið Peningastovnar
