Føroya Arbeiðsgevarafelag hevur í dag, 1. juni, havt ársaðalfund.

Í ársfrágreiðing felagsins var dentur lagdur á, at tørvur er á at fáa vinnupolitikkin aftur á beint. Serliga verða fiskivinnupolitikkurin, ferðavinnupolitikkurin og skattaskipanin viðgjørd. Ársfrágreiðing felgsins sæst her.

Fyri vanligum nevndarvali stóðu Kristoffur Laksá, Bergur Poulsen og Jóhanna á Bergi. Hesi stillaðu øll uppaftur og vórðu vald. Tveir nevndarlimir tóku seg úr nevndini. Hesir vóru Jóhan Páll Joensen og Meinhard Jacobsen. Í teirra stað vórðu valdir Atli Gregersen og Høgni Hansen.

Í nevndini sita nú Kristoffur Laksá, Estra; Bergur Poulsen, Havsbrún; Magni Arge, Atlantic Ariways; Jón Danielsen, Articon; Jóhanna á Bergi, Faroe Ship; Atli Gregersen, Luna; og Høgni Hansen, Poul Hansen.

Eftir aðalfundin skipaði nevndin seg við Bergur Poulsen sum formanni og Høgna Hansen sum næstformanni.