Ásfinnur Sigvardsen heldur fram sum formaður

Bilasølufelagið hevði aðalfund fríggjadagin í farnu viku. Á fundinum varð tikið samanum farna árið og arbeiðið hjá felagnum.

Eftir aðalfundin skipaði nevndin seg á nevndarfundi. Ásfinnur Sigvardsen heldur fram sum formaður, og Saroya Dalsgarð heldur fram sum næstforkvinna.

Afturat teimum sita Sámal av Reyni, Rúni Djurhuus og Pauli Waag í nevndini hjá Bilasølufelagnum.

Bilasølufelagið er vinnugreinafelag fyri føroyskar bilasølur, ið hava umboð fyri bilmerki. Felagið arbeiðir fyri góðum karmum hjá vinnuni og umboðar áhugamálini hjá limafyritøkunum í málum, sum viðvíkja bilasølavinnuni í Føroyum.