Í november 2003 gav Føroya Arbeiðsgevarafelag út bóklingin "Nevndararbeiði". Bóklingurin viðger virkisleiðslu við serligum denti á nevndararbeiðið.

1. januar 2008 varð nýggj partafelags- og ársroknskaparlóg sett í gildi í Føroyum, og tað er orsøkin til dagføringina av bóklinginum.

Bóklingurin er nú dagførdur og liggur tøkur hjá limum í Føroya Arbeiðsgevarafelag, ókeypis. Í hesu aðru útgávu er bóklingurin dagførdur við tilvísingum til nýggjar lógir, og eru aðrar smávegis broytingar eisini framdar.

Í løtuni verður arbeitt við at savna smá- og partafelagslógina í eina lóg, og tí er avgjørt, at bóklingurin bert er tøkur, sum web-útgáva. Tá lógin er samansjóðað er ætlanin at dagføra bóklingin enn einaferð, soleiðis at hann tá verður tøkur sum pappírsútgáva.