Nevndin í Samskifti bjóðar starvsfólkum í limafeløgunum til bransjubarr fríggjadagin 20. februar

Fríggjadagin 20. februar bjóðar Samskifti øllum starvsfólkum í limafeløgunum vælkomnum til bransjubarr í hølunum hjá Kovboyfilm í Vestmanna.

Tað er nevndin í Samskifti, sum hevur tikið stig til at skipa fyri óformellum løtum, har limafeløgini í Samskifti skiftast um at lata dyrnar upp og bjóða inn til bransjubarr. Endamálið er at styrkja netverkið og skapa eitt hugnaligt forum fyri fakligum og sosialum práti. 

Bransjubarrin er afturvendandi tiltak og verður skipað fýra ferðir um árið. Tiltakið er einans fyri limir í Samskifti og teirra starvsfólk.