Nevndin í Samskifti bjóðar starvsfólkum í limafeløgunum til bransjubarr fríggjadagin 22. mai

Fríggjadagin 22. mai bjóðar nevndin í Samskifti øllum starvsfólkum í limafeløgunum vælkomnum til bransjubarr í hølunum hjá Sansum.

Nevndin í Samskifti hevur tikið stig til at skipa fyri óformligum løtum, har limafeløgini skiftast um at lata dyrnar upp og bjóða inn til bransjubarr. Endamálið er at styrkja netverkið og skapa eitt hugnaligt forum fyri fakligum og sosialum práti.

Bransjubarrin er eitt afturvendandi tiltak, sum verður skipað fýra ferðir um árið. Tiltakið er einans fyri limir í Samskifti og starvsfólk teirra.

Bransjubarrin hjá Sansum er fjórða bransjubarrin, síðani tiltakið byrjaði í 2025.