Sáttmál

Broyting í lønarhækking og eftirløn í arbeiðarasáttmálunum

25. apríl. 2023 | Tíðindi | Arbeiðsmarknaður

Løn og eftirløn í sáttmálunum millum Føroya Arbeiðsgevarafelag og teimum fimm arbeiðarafeløgunum verður broytt 1. mai 2023. Hetta merkir, at tann áður fráboðaða lønarhækkingin á 3,50% ístaðin verður 3,34% og eftirlønin hækkar við 0,20% til 11,20%. Lønartalvur á heimasíðu okkara eru dagførdar.

Løn og eftirløn í sáttmálunum millum Føroya Arbeiðsgevarafelag og teimum fimm arbeiðarafeløgunum verður broytt 1. mai 2023. Hetta merkir, at tann áður fráboðaða lønarhækkingin á 3,50% ístaðin verður 3,34% og eftirlønin hækkar við 0,20% til 11,20%. Lønartalvur á heimasíðu okkara eru dagførdar.

Føroya Arbeiðsgevarafelag og tey fimm arbeiðarafeløgini samdust til seinastu sáttmálasamráðingar, at lønin skuldi hækka 3,50% í 2022 og 3,50% í 2023.

Eftirlønin í arbeiðarasáttmálunum er í dag 11% av lønini. Lógarásetta eftirlønargjaldið hækkar tann 1. januar 2024 við einum prosenti til 10% av løn og frítíðarløn. Hetta merkir, at 1. januar 2024 lúka sáttmálarnar ikki treytirnar í lógini, tí at 11% av løn er lægri enn 10% av løn og frítíðarløn.

Fyri at sleppa undan, at arbeiðsgevarar skulu minkað um lønina, og flyta part av lønini til eftirløn, hava partarnir avtalað, at nakað av lønarhækkingini 1. mai 2023 verður lagt um til eftirløn.

Ístaðin fyri at lønin hækkar 3,50% 1. mai 2023, so verða hækkingarnar í arbeiðarasáttmálunum hesar:

Lønin hækkar 1. mai 2023:                               3,34%

Eftirlønin hækkar 1. mai 2023:                        0,20% og verður sostatt 11,20%.

Lønartalvurnar eru dagførdar á heimasíðu okkara www.industry.fo

Broyting í grein 24, stk 2 um lívstrygging í sáttmálanum millum Føroya Arbeiðsgevarafelag og Havnar Arbeiðarafelag

Á seinasta aðalfundi avgjørdi Havnar Arbeiðarafelag (HAF), at lívstryggingargjaldið á 1,5% verður ein partur av eftirlønargjaldinum á 11,20% frá 1. mai 2023.

Hetta merkir, at frá 1. mai 2023 skal arbeiðsgevarin ikki flyta 1,5% av lønini hjá limunum til lívstrygging.

Arbeiðsgevarin skal tó frammhaldandi  flyta limagjaldið á 2,5% av lønini, eins og áður. Hetta stykki stendur óbroytt í grein 24, stk. 1 í sáttmálanum millum Føroya Arbeiðsgevarafelag og Havnar Arbeiðarafelag.

Eftirlønargjaldið til limir í HAF skal, sambært grein 24, stk. 3, flytast til eftirlønarskipanina hjá HAF, soleiðis at limir ikki detta úr kollektivu lívstrygginharskipan felagsins.

Annað á breddanum

  1. Vinnudagurin verður aftur 20. september 2024

    Næsta ár verður árligi Vinnudagurin framskundaður eina viku til 20. september

    02. Oktober. 2023 | Shipping
    29Sep23 B3A4454
  2. Heimleiðistiltak um upphavsrætt fyri limir í Samskifti

    Fríggjadagin 20. oktober skipar Samskifti fyri heimleiðistiltaki um upphavsrætt

    02. Oktober. 2023 | KT- og samskifti
    Depositphotos 99621454 XL
  3. Stórur áhugi fyri burðardygd

    Vinnuhúsið hevur sett á skrá eina røð við seks arbeiðsfundum har fyritøkur fáa førleikar og amboð til at gera egnar frágreiðingar um burðardygd. Sera stórur áhugi hevur verið og heili 22 fyritøkur er meldaðar til arbeiðsfundirnar, sum nú eru fult teknaðir

    02. Oktober. 2023 | Burðardygd
    Burðardygd