Tann 1. januar 2026 lækkaði inngjaldið til ALS og Vinnusjúkugrunnin, og lógarásetta eftirlønargjaldið hækkaði
Broytingarnar 1. januar 2026 eru hesar:
• ALS-gjaldið
Upphæddin á ALS-gjaldinum er lækkað úr 0,8% niður á 0,6%
• Vinnusjúkugrunnurin
Inngjaldið til Vinnusjúkugrunnin er lækkað úr 0,10% niður á 0,05%
• Lógarásetta eftirlønargjaldið
Lógarásetta eftirlønargjaldið er hækkað úr 11% upp í 12% av allari A-inntøku og B-inntøku samanlagt
ALS-gjaldið
Gjaldið til Arbeiðsloysisskipanina, ALS-gjaldið, verður roknað av øllum inntøkum, sum ásett í § 2, nr. 1, sum tey gjaldskyldugu móttaka ella rinda:
a) A-inntøku.
b) Lønarinntøku, sum ikki er A-inntøka, fyri arbeiði, útint í Føroyum.
c) Lønarinntøku, sum ikki er A-inntøka, fyri arbeiði, útint í Norðurlandi, og sum sbrt. ásetingum í millumtjóðasáttmála eru sosialt tryggjað í Føroyum.
Vinnusjúkugrunnurin
Allir arbeiðsgevarar, heruppií landi og kommunurnar og sjálvstøðugt vinnurekandi, skulu rinda gjald til Vinnsjúkugrunnin.
Gjaldið, sum arbeiðsgevarar skulu rinda, er 0,05% av útgoldnum A-inntøkum.
Galdið, sum sjálvstøðugt vinnurekandi skulu rindað, er 0,05% av skattskyldugu inntøkuni hjá sjálvstøðugt vinnurekandi sbrt. skattalógini fyri seinasta inntøkuár.
Eftirløn
Munur millum sáttmálaásetta eftirlønargjaldið og lógarásetta eftirlønargjaldið
Lógarásetta eftirlønargjaldið verður roknað av løn og frítíðarløn, meðan tað sáttmálaásetta verður roknað ymiskt alt eftir hvør sáttmáli talan er um. Tað lógarásetta eftirlønargjaldið inngongur tó í eitt møguligt sáttmálaásett eftirlønargjald. Sáttmálaásetta eftirlønargjaldið er hægri enn tað lógarásetta. Tí liggja tey, sum eru fevnd av sáttmála, har eftirlønargjaldið verður roknað av løn, og ikki av frítíðarløn, omanfyri minsta markið, eisini hóast eftirlønargjaldið einans verður roknað av lønini. Tað merkir sostatt, at um sáttmálaásetta gjaldið, sum ikki verður roknað av frítíðarløn, verður rindað, er lógin eisini uppfylt.
Tað eru tó eisini løntakarar, sum ikki eru fevndir av einum sáttmála millum fakfelag og arbeiðsgevarafelag. Her má arbeiðsgevarin tryggja, at lógarásetta eftirlønargjaldið verður roknað av løn og frítíðarløn og flutt (ikki rindað), soleiðis at lógarkravið verður uppfylt.
Eftirlønarlógin sigur, at persónur, sum ikki hevur nátt fólkapensjónsaldur, og sum hevur fulla skattskyldu til Føroyar, hevur skyldu til at spara saman til egna eftirløn.
Til ber at lesa meira um eftirløn á heimasíðu okkara her: Industry
