Brúkaraumboðið greiddi frá um elektronisk gávukort, tilboð og sølufremjandi átøk

Í farnu viku skipaði Handilsvinnufelagið fyri einum limatiltaki, har Brúkaraumboðið var á vitjan. Áhugin var stórur, og nógvir limir møttu upp.

Rannvá Sólheim, Brúkaraumboð, greiddi frá reglunum fyri elektronisk gávukort, tilboð og sølufremjandi átøk – økir, sum ofta skapa spurningar í vinnuni.

Hon vísti millum annað á, hvussu fyritøkur skulu kunna um gildistíð og treytir á gávukortum, og hvørjar reglur eru galdandi, tá ið tilboð og sølufremjandi átøk verða lýst.

Luttakararnir fingu høvi at seta spurningar og deila egnar royndir, og tiltakið gav bæði gott yvirlit og gagnligar leiðbeiningar til dagliga virksemið.

Niðanfyri eru myndir frá tiltakinum:

Trýst á myndirnar fyri at síggja tær størri.