Føroya Arbeiðsgevarafelag fer í september at seta á stovn netverk fyri fyritøkur, sum vilja samstarva um burðardygd. Netverkið Burðardygt Vinnulív verður framyvir partur av hesum

Føroya Arbeiðsgevarafelag merkir vaksandi áhuga millum føroyskar fyritøkur fyri at arbeiða meira skipað við burðardygd. Sum ein avleiðing av hesum, hevur Føroya Arbeiðsgevarafelag avgjørt at skipa netverk innan burðardygd, har luttakandi fyritøkurnar fáa kunning um ymisk viðkomandi evni, og kunnu samstarva við og fáa íblástur frá øðrum fyritøkum.

Netverkið verður skipað í tveimum bólkum:

• Grund
• Víðkað

Grund er ætlað teimum limafyritøkum, sum enn ikki, ella bert smávegis hava arbeitt við burðardygd sum partur av sínum virksemi.

Víðkað er ætlað teimum fyritøkum sum eru komnar longri við miðvísum arbeiði innan burðardygd, og sum vilja binda seg til ávís ítøkilig mál.

Á innleiðandi netverkstiltaki t. 11. september verður kunnað meira um netverkið, bólkarnar og krøvini til luttøku.

Les eisini: Netverkstiltak um burturkast og ringbúskap