Hetta vísir nýggja arbeiðsmarknaðarkanningin hjá Dansk Arbejdsgiverforening, sum serliga viðger almennar veitingar og kappingarføri í Danmark, Svøríki, Týsklandi, Hollandi og Stóra Bretlandi.
Svøríki, Týskland, Holland og Stóra Bretland hava síðan mitt í 1990unum verið betri til at at skapa størv og vøkstur, og tey eru komin betur gjøgnum kreppuna enn Danmark.
Hetta kemst serliga av, at Svøríki, Týskland, Holland og Stóra Bretland hava gjøgnumført størri nýskipanir millum annað innan skipanir fyri almennar veitingar. Í hesum fýra londunum eru sostatt týðiliga færri, sum fáa almennar veitingar, enn tað eru í Danmark.
Um Danmark hevði lutfalsliga sama tal av fólki, sum fingu almennar veitingar, sum Svøríki, so høvdu 270.000 færri fingið almenna veiting, og árligu útreiðslurnar høvdu verið næstan 50 mia. kr. lægri.
Til ber at lesa alla arbeiðsmarknaðarkanningina hjá DA her.
Kelda: da.dk
