Føroya Arbeiðsgevarafelag hevur í eina tíð arbeitt við at dagføra tilfarið viðv. happing fyri limunum felagsins

Arbeiðið er nú liðugt og tøkt á heimasíðuni hjá Vinnuhúsinum.

Tað hevur stóran týdning fyri Føroya Arbeiðsgevarafelag, at limir felagsins fyribyrgja, handfara og taka happing á arbeiðsplássinum í álvara. Arbeiðsumhvørvislógin áleggur eisini arbeiðsgevarunum at skipa arbeiðið soleiðis, at tað kann verða útint trygdarliga og heilsuliga fult forsvarligt, út frá eini meting av teimum umstøðunum í arbeiðsumhvørvinum, sum kunnu hava ávirkan á likamliga ella sálarliga heilsu.

Teksturin viðv. happing er dagførdur á heimasíðuni umframt at ein skabelón fyri mannagongd viðv. happing á arbeiðsplássinum er løgd út. Ítøkiligu viðurskiftini hjá einstøku arbeiðsgevarunum er ymisk, og tí verður lagt upp til, at skabelónin verður tillaga til viðurskiftini hjá einstøku fyritøkurnar.

Tilfarið er at finna í leinkjuni niðanfyri.
https://www.industry.fo/radgeving/leidbeining-til-sattmala-og-setanarvidurskifti/asetanir-um-setanarvidurskifti/alment