Danski nationali granskingardepilin fyri vælferð (SFI) gevur á hvørjum ári út bók, sum greinar hvussu sosialt engageraðar danskar fyritøkur eru. Hetta er fimta árið á rað, at SFI spyr uml. 9.000 starvsfólk um teirra meting av ymsum sosialum faktorum.

Samrøðurnar avdúka, at donsk arbeiðspláss yvirskipað sæð eru sera rúmlig. Serligar samrøður við leiðarar við minst trimum starvsfólkum avdúka, at 44% hava varðveitt starvsfólk og 29% hava verið við til at seta starvsfólk við skerdum førleika.

Leiðandi ráðgevi hjá DA, Henning Gade, sigur, at tað er at frøast um, at árbókin um, hvussu sosialt engageraðar fyritøkurnar eru sæð við starvsfólkaeygum, váttar ta yvirskipaðu myndina av, at danskar fyritøkur eru sera rúmligar. Hann heldur eisini, at tað er positivt, at starvsfólkini sjálvi halda, at fyritøkurnar duga væl at taka sær av starvsfólkum, sum krevja serligar umstøður. Tann menningin hevur gingið framá síðan 1999, tá SFI fyri ferð gjørdi kanningina, sigur Henning Gade.

Kelda: Dansk Arbejdsgiverforening