Dátueftirlitið fer á tveimum tiltøkum í Vinnuhúsinum hesa vikuna at greiða frá nýggju krøvunum í dátuverndarlógini. Á tiltøkunum verður eisini høvi at seta og viðgera ítøkiligar og viðkomandi spurningar.
Tiltøkini eru málrættað fyritøkum í ferðavinnuni og handverksvinnuni, ið kundu hugsað sær nærri vegleiðing á dátuverndarøkinum.
1. januar var nýggj dátuverndarlóg sett í gildi í Føroyum. Hóast fleiri vegleiðingar eru gjørdar fyri at lýsa ymsu økini í dátuverndarlógini á vanligum máli, kunnu spurningarnir vera mangir, ið stinga seg upp í ítøkiliga arbeiðnum við dátuvernd.
Tiltøkini eru bert fyri limir í Ferðavinnufelagnum og Føroya Handverksmeistarafelag.
Tiltakið fyri fyritøkur í handverksvinnuni verður:
Týsdagin 23. mars kl. 14.00 í Vinnuhúsinum
Tiltakið fyri fyritøkur í ferðavinnuni verður:
Mikudagin 24. mars kl. 14.00 í Vinnuhúsinum
Boða frá luttøku á industry@industry.fo ella 309900.
