Danska fyritøkan Again fekk DI-virðislønina 2025 fyri at gera CO₂ til virðismikið tilfeingi
Á árliga DI-toppfundinum hjá Dansk Industri týsdagin 30. september í Herning, har fleiri enn 1.500 vinnuleiðarar vóru savnaðir, varð ársins DI-virðisløn handað donsku biotøknifyritøkuni Again fyri sínar nýskapandi loysnir.
Í grundgevingini varð dentur lagdur á, at fyritøkan hevur ment eina nýggja tøkni, sum ger CO2, ið er savnað saman, um til virðismikið kemikalium, sum millum annað verður brúkt í framleiðsluídnaðinum.
DI-virðislønin varð handað av formanninum í Dansk Industri, Klaus Holse, sum legði dent á, at Again er eitt fyrimyndarligt dømi um, hvussu nýskapan kann gerast til vinnu, skapa útflutning og arbeiðspláss, samstundis sum hon er við til at loysa eina av størstu veðurlagsavbjóðingunum í heiminum.
Les meira um Again og DI-virðislønina her.
Mynd: Dansk Industri
