Er tín fyritøka klár til nýggju dataverndarlógina?

02. november. 2020 | Tíðindi | KT- og samskifti

Nú ber til at melda seg til kunningartiltakið um nýggju dataverndarlógina, sum Føroya Arbeiðsgevarafelag og KT-felagið skipa fyri í Klaksvík og í Havn í november.

Tað er ein sannroynd, at fleiri fyritøkur kenna seg ótryggar, nú nýggj dataverndarlóg kemur í gildi 1. januar komandi ár. Talan er nevniliga um umfatandi broytingar, sum fyritøkur skulu venja seg við. Fyri at fáa greiðu á teimum ivamálum, sum fyritøkur hava, skipar Føroya Arbeiðsgevarafelag og KT-felagið fyri kunnandi tiltøkum. Tað fyrra verður í Spinnarínum í Klaksvík mikudagin 11. november, meðan seinra tiltakið verður í Vinnuhúsinum í Havn mikudagin 18. november. Bæði tiltøkini byrja kl. 14.00.

Skráin er hendan:

-   Hvat er Dataverndarlógin og hvør skal liva upp til lógina? - Katrin Thorsvig Hansen, Dataeftirlitið:
- Case: soleiðis komu vit ígongd – Frágreiðing frá fyritøku
- Gjøgnumgongd av spurningum - Ulla Joensen, KT-felagið:

Tiltakið er fyri limir í Vinnuhúsinum. Tilmelding fer fram við at skriva til industry@industry.fo

Tað ber til at senda spurningar og ivamál longu nú, eisini til industry@industry.fo.

Endamálið við tiltøkunum er, at fáa greiðu á teimum ivamálum, sum vinnufyritøkur hava viðvíkjandi nýggju dataverndarlógini.

Annað á breddanum

  1. Limir kunnu nú melda seg til Vinnudagin

    19. september verður Norðurlandahúsið aftur karmur um spennandi fyrilestrar og samrøður á Vinnudegnum 2025

    18. august. 2025 | Almenn tíðindi
    Heimasíðan Tíðindi
  2. Alivinnan vil avtaka einkarrættin hjá Apoteksverkinum

    Havbúnaðarfelagið heldur, at alifyritøkurnar eiga at kunna keypa vørur frá øðrum veitarum enn Apoteksverkinum, so at prískappingin verður størri

    18. august. 2025 | Havbúnaður
    HBF LOGO
  3. Føroyskar fyritøkur á DALO Industry Days

    Í vikuni skipar danska verjan fyri messuni DALO Industry Days. Eisini føroyskar fyritøkur luttaka

    18. august. 2025 | Almenn tíðindi
    DALO 2025