Aftur í ár er tiltakið ein samanseting av partenariati og almennari ráðstevnu
Frá 19. – 21. oktober verður skipað fyri FaroExpo í Runavík. Mánakvøldið, týsdagin og mikumorgunin er tiltakið fyri tær 55 fyritøkurnar, sum hava teknað seg til at luttaka í partenariatinum, sum er ein týdningarmikil partur av tiltakinum.
Mikudagin seinnapart verður so skipað fyri ráðstevnu, har evni er nútímans leiðsla. Hesin parturin av FaroExpo er almennur og verður í nýggja mentanarhúsinum í Runavík, Løkshøll. Millum aðrar fara Hákun Djurhuus, stjóri á SEV, og Niels Christian Nolsøe, stjóri á Elektron, at hava fyrilestrar. Millum 250 og 300 luttakarar plaga at vera á ráðstevnuni.
Samstundis sum FaroExpo er, verður eisini mentanarvika í Runavík, og her verða m.a. listaframsýningar, tónleikatiltøk og fyrilestrar.
So samanumtikið ein spennandi vika 43 í Runavík. Til ber at lesa meira á www.faroexpo.fo
