31. oktober verður ferðavinnudagur. Ferðavinnudagurin er ætlaður øllum sum fáast við ferðavinnu ella veita tænastur til ferðavinnuna. Endamálið við degnum er at savna ferðavinnuna og kann um undirtøka er fyri at stovnseta eitt vinnufelag fyri føroysku ferðavinnuna.
Byrjað verður við ábiti kl 12.00 á Hotel Føroyum og síðani verða ymiskir fyrilestrar á skránni. Fyrst av øllum verður bjóða vælkomin. Eftir hetta fer Súsanna Sørensen frá Samvit at greiða frá marknaðarføring av Føroyum og Oda Andreassen fer at vísa á, hvussu samstarv kann menna tilboð til ferðafólkini.
Út á seinnapartin fer Magni Arge at halda fyrilestur um, hvat ferðavinnan kann brúka eitt ferðavinnufelag til, og eftir tað fer Erna Hauksdóttir frá íslendska ferðavinnufelagnum at greiða frá, hvussu tey arbeiða við at menna karmarnar fyri ferðavinnu í Íslandi, og hvussu íslendska ferðavinnan fær nyttu av felagnum.
Tá fyrilestrarnar eru lidnar verður stovnandi aðalfundur av føroyska Ferðavinnufelagnum.
Eftir stovnsetanina verður stuttur steðgur og síðani verður farið oman á Hotel Hafnia har døgurði verður.
Kostnaðurin fyri luttøkuna á tiltakinum verður 600 kr fyri tann partin, sum fer fram á Hotel Føroyum og 400 kr fyri døgurðan.
Tilmelding til tiltakið er umvegis heimasíðuna hjá Vinnuhúsinum www.industry.fo.
