Ferðavinnufelagið heldur ársaðalfund hósdagin 8. oktober kl. 14 í Vinnuhúsinum
Hósdagin 8. oktober kl. 14 fáa limirnir í Ferðavinnufelagnum høvi at fáa innlit í arbeiðið farna árið, velja nevnd og ávirka kósina frameftir, tá ið felagið heldur ársaðalfund í Vinnuhúsinum.
Aðalfundurin verður hildin sambært lógum felagsins, og skráin er henda:
- Val av fundarstjóra
- Framløga av limalista
- Frásøgn nevndarinnar frá farna ári
- Framløga av grannskoðaðum roknskapi frá farna ári
- Val av nevndarlimum og eykalimum
- Val av grannskoðara
- Áseting av limagjaldi fyri komandi ár
- Ymiskt
Stutt um Ferðavinnufelagið
Endamálið hjá Ferðavinnufelagnum er at savna føroyskar ferðavinnufyritøkur um felags áhugamál og skapa góðar karmar fyri, at ferðavinnan kann vera ein týðandi táttur í føroyska búskapinum.
Felagið fevnir breitt um ferðavinnuna, røkir áhugamál limanna og er felags rødd hjá vinnuni mótvegis myndugleikunum. Felagið skipar regluliga fyri skeiðum og tiltøkum, sum menna førleikarnar og samstarvið í vinnuni.
Málini hjá felagnum eru at:
- tryggja, at lógir og regluverk samsvara við áhugamálini hjá ferðavinnuni
- umboða vinnuna mótvegis myndugleikum og stovnum
- skipa fyri tiltøkum og skeiðum, sum menna yrkiskunnleikan og førleikarnar í vinnuni
- stimbra samstarv, vitanarútbýting og íblástur í vinnuni
