Fríggjadagin 30. oktober varð aðalfundur hildin í Ferðavinnufelagnum. Hetta var fyrsti aðalfundur síðani stovnandi aðalfundin, ið varð hildin fyri júst einum ári síðani.
Á aðalfundinum stóðu tveir nevndarlimir fyri vali; tey vóru Magni Blástein og Fríðun Jacobsen. Fríðun varð afturvald, meðan Magni boðaði frá, at hann ikki stillaði upp aftur. Í hansara stað valdi aðalfundurin Jóhonnu Rasmussen. Umframt Fríðun Jacobsen og Jóhonnu Rasmussen sita hesi í nevndini í Ferðavinnufelagnum: Ása Johnsdóttir, Henny á Líknargøtu og Jákup Sverri Kass. Nevndin hevur ikki skipað seg enn.
