Nevndin í nýstovnaða Ferðavinnufelagnum hevur nú skipað seg við Ásu Johnsdóttir sum formanni og Fríðun Jacobsen sum næstformanni.
Ferðavinnufelagið hevði stovnandi aðalfund 31. oktober og nevndin skipaði seg á fyrsta nevndarfundinum, ið varð hildin 3. desember. Umframt Ásu og Fríðun, ið starvast hjá ávikavist Hotel Hafnia og Green Gate Incoming, eru hinir nevndarlimirnir Jákup Sverri Kassi (Smyril Line), Henny á Líknagøtu (Atlantsflog) og Magni Blástein (Fiskiferðir).
Eitt av málunum hjá Ferðavinnufelagnum er at fáa fleiri og betri hagtøl til vegar. Hetta fellur væl saman við, at SamVit nú ferð undir eina verkætlan, ið skal tryggja betri innsavnan av hagtølum í ferðavinnuni. Ein bólkur skal setast til at fyrireika hesa verkætlan og hevur Ferðavinnufelagið valt Jákup Sverra Kass at umboða seg í hesum arbeiði.
