Dagurin byrjar á Hotel Djurhuus við eini rundvísing av hotellinum kl. 14:30.

Kl. 15:30 verður farið til gongu til Norrøna. Her verða brellbitar at fáa, og frágreiðing verður um umbyggingina og um hvørjir hentleikar eru umborð.

Síðani verður farið ein gongutúr kl. 17:00, har Visit Tórshavn greiðir frá menningini av Reyni og frágreiðing meðan gingið verður gjøgnum viðarlundina.

Vit enda hjá 62N Hotel uml. kl. 18:30, har greitt verður frá virkseminum og har verður eisini okkurt til matna.

Fyrstu ferð Ferðavinnufelagið skipaði fyri eini økisvitjan var í 2018. Tá var vitjað á Sandoynni, og í 2019 var vitjað vesturi í Vágunum. Til seinasta økisvitjan, sum var í 2022, varð vitjað í Norðoyggjum.

Ferðavinnufelagið er farið undir hetta átak fyri at kasta ljós á ferðavinnutilboðini kring landið og at skapa karmar fyri, at økini fáa marknaðarført síni øki fyri limum í felagnum, og limafyritøkurnar somuleiðis fáa meira vitan um økið, sum kann verða við til, at tær fara at brúka økið meira í framtíðini.

Ferðavinnufelagið vónar, at tað verður góð undirtøka fyri økisvitjanini í Tórshavn, og at felagið á henda hátt framhaldandi kann verða við til at økja um kunnleikan um ferðavinnutilboðini kring landið.

Tiltakið er bert fyri limir í Ferðavinnufelagnum. Tilmelding á leinkjuni her, í seinasta lagi mánadagin 10. februar kl. 12.00