Ferðavinnufelagið ynskti at savna ferðavinnuna, so at vinnan í einum meira óformligum høpi kundi hittast og tosa um evnið  av felags áhuga. Men nú tað bert er eitt lítið ár til sólarmyrkingina, var tað upplagt at gera hetta til eitt tiltak, har vit eisini fáa varpað ljós á sólarmyrkingina , sum helst er størsta einstaka hending í føroyskari ferðavinnu.

Tiltakið var tí bæði ein faklig innføring í tað, sum føroyaska ferðavinnan skal gerast heimsmeistari í um eitt lítið ár, nevniliga at vera vertir í sambandi við eina sólarmyrking, eins og tað var eitt tiltak til savnan av aktørunum í føroysku ferðavinnuni og eitt høvi at hugna sær saman.