Endamálið við vinnuferðini til India er at styrkja samstarvið millum vinnulívið í Føroyum og India.

Fleiri føroyskar fyritøkur fara seinni í mánaðinum á vinnuferð til India. Millum fyritøkurnar eru fleiri føroyskar KT fyritøkur. Vinnuferðin er liður í at knýta sambond og at styrkja samstarvið við India og millum føroyskt og indiskt vinnulív.

Stór ráðstevna

Tað er Løgmansskrivstovan, sum saman við Vinnuhúsinum skipar fyri almennu vinnuferðini. Hon verður í døgunum 20. – 24. november í New Delhi. Stóra ráðstevnan India Nordic Baltic Business Conclave er karmur um ferðina. Á ráðstevnuni skal løgmaður millum annað flyta fram røðu.